Konglekrans med hekla roser og ullkuler

No var det ny type krans som stod for utprøving, 

og eg ville prøve å kombinere kongler, hekla roser og ullkuler.

Det blei eg veldig fornøgd med, og eg laga tre ulike.

Bileta nedover får tale for seg.

 .

Bianca stiller villig opp når det er fotografering på gang.

Nesten son ein laurbærkrans:)

Her er mine første konglekransar samla. 

Fleire kransar skal det bli, for fleire ønskjer seg ein slik:)

Pinnekrans med roser

Denne pinnekransen har eg jobba lenge med. 

Det starta med ein idé om at eg skulle sy små pinnar på ein tjukk filtkrans. 

Men det blei ein vanskeleg prosess, og fleire maskinnåler måtte gi tapt.

Så blei det heile liggjande til modning.

Men i går kveld var det klart for neste forsøk.

Då blei små pinnar og hekla roser limt på.

Og det må eg seie meg veldig fornøgd med;)

Wish it, dream it, do it

Det blir med ein del rekved heim etter vandringar i fjøra. 

Mange av dei er vanskeleg å bruke opp, for eg syns dei er så fine. 

Dette er ei av dei.

Mest på grunn av denne delen, som for meg heile tida har vore ei ugle. 

Og ekstra søt blei den med fjør, som også har blitt plukka i fjøra.

Heilt øvst var ein krøkt spikar, som var perfekt til opphenget.

Med band, tyll og hekla rose, blei det ein koseleg veggpynt.

Ei anna fjøl fekk tekst og pynt av ein augestikkar.

WISH IT, DREAM IT, DO IT.

Engel på disse

Ein engel kan vel ikkje vere på gyngande grunn? 

Den ser i alle fall ut til å vere trygg i dissa si.

Hjartet er ikkje i halsen, men på toppen.

Og med eit stort hjarte på magen, må magefølelsen også vere god.

Meistring og tryggheit er viktig.

Og no har denne engelen også fått hjartet på rette staden;)

Julemesse

I dag har eg vore på julemesse på Nesjestranda. 

Det var så vanskeleg å få med heile standen samla, så eg legg ut fleire glimt. 

Og med meg går det no mykje i natur. 

Standen min var i eit hjørne, datter mi hadde sine ting ved sida av. 

Og ho har laga mykje fint. Strikking, hekling og saum i eigen design. 

Heilt fremst er mønster ho har laga for salg. Alle er ikkje publiserte endå, men dei kjem snart på både Raverly og bloggen hennar, Birgittes forglemmegei. Stikk innom og ta ein nærare kikk.

Det er triveleg å vere på messe, og om to veker er vi i Molde.

Nåleputer med tekst

På søndag er det messe igjen, og då er det kjekt å ha med noko nytt. 

No blei det nåleputer med tekst.

Her er eit utval, og for meg er det viktig at ingen blir like, sjølv om stilen er den same.

Eg har brukt lappeteknikk, applikasjon og frihandsquilting.

Nåleputene er vatterte både på over- og undersida for å få ei god stikkeflate og for å ligge godt på bordet. I tillegg er dei stappa med vatt, og underst er det ris for å få tyngde.

Eg har også dekorert litt på baksida.

Eg gjekk tom for merkelappar, og prøvde meg derfor med ein anna sort som ga rask levering. 

Dei fungerte fint.

Her er siste vevde namnelapp, så no har eg bestilt meg nye. 

Dei som er ordna for å henge, er berre stappa med vatt.

Naturkransar og hekla roser

I det siste har eg laga mange kransar av bjørkeris, og hekla mange roser. 

Dette har eg no prøvd å kombinere på ulike måtar.

Denne kransen fekk eit sydd hjarte i tillegg.

Desse fargane kan brukast heile året, eller til advent om du vil.

Denne kransen er spinklare og har ein blonde til oppheng.

Nokre bjørkehjarter har det også blitt. 

Dette er pynta med band og ei rose i dus rosa.

Egentleg så minner det meg om bryllup.

Slike ting kan hengast både på dør og på vegg. 

Eg blir ikkje lei av naturmateriale, så det vil nok vere tema med meg framover også.